Rusiya-Ukrayna müharibəsində mühüm hadisələr yaşanmağa davam edir. Müharibə zamanı Rusiya tərəfindən diqqətçəkən bir iddia irəli sürülsə də, Urkaynanın bu açıqlamaları da təkzib edildi. Budur təfərrüatlar…
Rusiyanın Bryansk vilayətinin qubernatoru Aleksandr Boqomaz səhər saatlarında Ukrayna təxribat qrupunun Ukrayna-Rusiya sərhədindəki kəndlərə soxulduğunu açıqlayıb. Boqomaz təxribatçıların mülki avtomobilə təşkil etdiyi hücumda 1 nəfərin öldüyünü, 10 yaşlı uşağın isə yaralandığını açıqlayıb.
Kremlin sözçüsü Dmitri Peskov hadisəni terror hücumu kimi qiymətləndirib və hücum edənlərin zərərsizləşdirilməsi üçün əməliyyatın davam etdiyini bildirib.
Rusiya prezidenti Vladimir Putin hadisənin terror aktı olduğunu bildirərək, “Silahlı şəxslər sərhəd bölgəsinə sızaraq dinc əhaliyə atəş açıblar. Maşının mülki şəxs olduğunu və maşında mülki vətəndaşların və uşaqların olduğunu bilə-bilə atəş açıblar”.
Rusiya Federal Təhlükəsizlik Xidməti hücumu təsdiqləsə də, yerli mediada ən azı 6 nəfərin diversantlar tərəfindən girov götürüldüyü bildirilib.
Ukrayna Prezident Aparatının müşaviri Mixail Podolyak Rusiyanın iddialarını rədd edib. “Rusiyadakı Ukrayna təxribat qrupu haqqında danışılan hekayə klassik qəsdən təxribatdır” dedi Podolyak.
Tərcümə“24 SAAT”
