Loading...
Loading...
SEÇMƏ

Ukraynaya hərbi müdaxilə: 377 uşaq həlak olub, 733 uşaq yaralanıb

Yayımlandı: 26 Avqust 2022 12:01

Prokurorluq: “Ən çox yaralı Donetsk vilayətində qeydə alınıb”

Rusiyanın Ukraynaya qarşı işğalçılıq müharibəsi başayandan 377 uşaq həlak olub, 733 uşaq isə yaralanıb.

Bu barədə Ukrayna Baş Prokurorluğunun mətbuat xidməti “Telegram” kanalında məlumat yayıb.

Ən çox uşağın Donetsk vilayətində xəsarət aldığı qeyd olunub – 388 nəfər: “Xarkovda – 202, Kiyevdə – 116, Çerniqovda – 68 uşaq xəsarət alıb. 7 mindən çox uşaq ölkədən çıxarılıb”.

Xatırlatma

Rusiya Prezidenti Vladimir Putin Ukraynanın şərqindəki separatçı qurumları tanıdığını bəyan etdikdən 2 gün sonra, fevralın 24-də Ukraynaya qarşı müharibəyə başlayıb.

Dünyanın əksər ölkəsi Rusiyanın hücumunu pisləyib. Bundan sonra Avropa Birliyi ölkələri, eləcə də ABŞ Rusiyaya qarşı sanksiyalar tətbiq edib.

600-dən çox rusiyalı oliqarx, yüksək rütbəli hərbçilər, şirkət sahibləri, biznesmenlərlə yanaşı, Rusiya Prezidenti Vladimir Putin və xarici işlər naziri Sergey Lavrov sanksiyalara məruz qalıblar. Rusiyada təşkil olunacaq yarışlar təxirə salınıb, bu ölkənin adı mühüm tədbirlərdən və təşkilatlardan çıxarılıb.

Aprelin 7-də isə BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Rusiya isə Avropa Şurası üzvlüyündən çıxıb.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur.

İyunun 25-də Avropa İttifaqının 12 ölkəsi Rusiya qazının tədarükündən tamamilə və ya qismən imtina edib.

Meydan TV

Gözdən qaçırmayın:  ABŞ Minsk Qrupuna yeni həmsədr təyin edib (yenilənib)

This site uses Akismet to reduce spam. Learn how your comment data is processed.

Back to top button