Now Reading:
Uşaq çantası ağırdır: valideyn nazirliyi məhkəməyə verir

Bakı şəhər sakini Təhsil Nazirliyini məhkəməyə verməyə hazırlaşır.

Övladları məktəbli olan Bakı sakini Elçin Zeynalov adlı şəxs nazirliyi məhkəməyə verməsi üçün vəkillərdən kömək istəyib. E.Zeynalovun nazirliyə qarşı belə adım atmasına səbəb tədris vəsaitinin çox olması, uşağın aşırı yüklənməsidir. Şikayətçi bildirib ki, işəgötürənin borcu tədris vəsaiti və məzmunu norma çərçivəsində nizamlamaqdır.

Məsələ ilə bağlı Axar.az-a açıqlama verən hüquqşünas Səməd Vəkilov bildirib ki, istənilən vətəndaş narazı olduğu səbəblərə görə nazirliyi məhkəməyə verə bilər:

“Əlbəttə, vətəndaşın nazirliyi məhkəməyə verməyə tam hüququ var. Həqiqətən də məhkəmədə sübut edə bilsə ki, dərs vəsaiti çoxdur, uşaq aşırı yüklənir, məhkəmə qərar qəbul edib uşaqların dərs yükünü yüngülləşdirə bilər”.

S.Vəkilov bildirib ki, Vətəndaşların Müraciətlərinə Baxılması Qanununa əsasən, müraciətin 3 forması var:

“Təklif, ərizə və şikayət. Yaxşı olar ki, vətəndaş təklif kimi müraciət etsin. Əlbəttə, tam hüququ var ki, məhkəməyə versin. Ancaq təklif irəli sürsə, dəyərləndirilə bilər”.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.