Cəmiyyət
“Üsyançı müstəntiq”in məhkəməsi başlayır
Hüquq-mühafizə orqanlarında və dövlət idarəçiliyindəki qanunsuzluqlara etiraz edərək, prokurorluq orqanlarından könüllü istefa verən Zərdab Rayon Prokurorluğunun sabiq müstəntiqi Rüfət Səfərovun cinayət işi üzrə məhkəmənin hazırlıq iclası iyulun 4-nə təyin edilib.
Bu barədə onun vəkili Bəhruz Bayramov məlumatlandırıb. Vəkilin sözlərinə görə, artıq ittiham aktı tərəflərə təqdim edilib: “İşə Bakı Ağır Cinayətlər Məhkəməsində baxılacaq. İşdə guya bir neçə zərərçəkənin olduğu qeyd olunur. Biz məhkəmədə Rüfətin tam günahsız olduğunu isbat edəcəyik. Amma proses necə olacaq, bu başqa məsələdir”. (gununsesi.info)