2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
SEÇMƏ

Vaşinqton Bakı ilə Yerevanın sülhlə bağlı addımlarını dəstəkləyir

Bunu iyunun 8-də ABŞ Dövlət katibinin Avropa və Avrasiya üzrə köməkçisi Karen Donfrid brifinqdə deyib.

Azərbaycan Prezidentinin xarici siyasət məsələləri üzrə müşaviri Hikmət Hacıyevlə bu yaxınlarda keçirdiyi görüşlə bağlı “Turan”ın sualını cavablandıran K.Donfrid deyib ki, Ermənistan və Azərbaycan arasındakı münasibətlərdə son hadisələr söhbətin əsas mövzusudur:

Saytların yığılması Saytlarin yigilmasi

“Mən bilirəm ki, bu səfər zamanı Hacıyev ABŞ hökumətinin digər əsas rəsmiləri ilə də görüşüb”.

“Biz hər iki ölkənin, Azərbaycanın və Ermənistanın mühüm addımlar atdığını gördük. Bu, Birləşmiş Ştatların çox həvəsləndiyi bir şeydir”, – deyə o vurğulayıb.

K.Donfrid həmçinin Bakı və Yerevan arasında münasibətlərdə Avropa İttifaqının “kritik rolunu” qeyd edib.

Bütün region üçün əsas təhlükələr barədə suala Donfrid belə cavab verib:

“Rusiyanın Ukraynaya qarşı əsassız və amansız müharibəsi əsas təhlükədir. Bu, NATO və Avropa İttifaqının timsalında Qərbin birliyinə gətirib çıxarıb”.

Ermənistanla Azərbaycan arasında sonuncu 44 günlük silahlı münaqişə 2020-ci il noyabrın 10-da qüvvəyə minmiş tam atəşkəs haqqında razılaşma ilə başa çatıb.

Dağlıq Qarabağ və ətraf bölgələrdəki münaqişənin tarixi isə 1988-ci ilə dayanır.

90-cı illərdə Azərbaycan-Ermənistan arasındakı ilk müharibə və sonrakı dövrlərdə Azərbaycan tərəf daim Ermənistanı mədəni abidələrin məhv edilməsində günahlandırıb.

2020-ci ildə baş verən ikinci müharibədən sonra isə Azərbaycan Ermənistanı şəhərləri, kəndləri, qəbristanlıqları yer üzündən silməkdə ittiham edib.

Meydan TV

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button