Vitse-prezident: “Xəzər Lənkəran geri qayıdacaq, buna şübhəniz olmasın”
“Xəzər Lənkəran”ın vitse-prezidenti, “Palmali “ Şirkətinin Regional ofis rəhbərinin 1-ci müavini Tuyqun Nadirov “qafqazinfo”ya geniş müsahibə verib. Fanat.Az xəbər verir ki, Nadirov “Xəzər Lənkəran”la bağlı da sualları cavablandırıb.
Klub rəsmisi “Xəzər Lənkəran” nə vaxt geri dönəcək” sualına bedə cavab verib:
“Hazırda aşağı qruplarımız fəaliyyətini davam etdirir. Deyərdim ki, həmişə oldugu kimi cari mövsümdə də aşağı yaş qrupları uğurla çıxış edirlər. Son olaraq U-17 komandamızın qapıçısı da milli yığma komandanın toplanışına dəvət alıb. Klubun geniş avtobus parkından tutmuş, bazası, stadionuna qədər hər şey yerindədir. Yaxında aldığım məlumata görə geyim təhcizatına görə yaxşı mənada fərqlənən klub məhz “ Xəzər Lənkəran”dır. Bəzi araşdırmalar bitəndən sonra “Xəzər Lənkəran” əlbəttə dönəcək. Bir neçə gün öncə klubun bazasında olan klub preidenti Mais Mənsimov carı təmir işlərinin bərpası üçün tapşırıqlar verib. Biz Azərbaycan futbolundan birdəfəlik getməmişik. “ Xəzər Lənkəran” geri dönməsi üçün münbit şərait, şəffaflıq yaranan kimi klubumuz dönəcək və buna kimsənin şübhəsi olmasın!”
