Xarici işlər nazirinin müavini Xələf Xələfov vəzifədən azad edilib. 24saat.org president.az saytına istinadən xəbər verir ki, bu barədə prezident İlham Əliyev sərəncam imzalayıb:

“X.A.Xələfovun Azərbaycan Respublikası xarici işlər nazirinin müavini vəzifəsindən azad edilməsi haqqında Azərbaycan Respublikası Prezidentinin SərəncamıSərəncamda deyilir:

“Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Xələf Alı oğlu Xələfov Azərbaycan Respublikası xarici işlər nazirinin müavini vəzifəsindən azad edilsin.

2. Bu Sərəncam imzalandığı gündən qüvvəyə minir.”
Hələlik bu vəzifəyə təyinat yoxdur.

Qeyd edək ki, xarici ilər naziri Elmar Məmmədyarovun hazırda 5 müavini var:

Araz Böyükağa oğlu ƏZİMOV

1962 – iyunun 13-də Bakı şəhərində anadan olmuşdur

1984 – Azərbaycan Dövlət Universitetini Bitirmişdir

1984-1989 – Azərbaycan Dövlət Teleradio Şirkətində fəaliyyət

1989-1990 – Azərbaycan Respublikası Xarici İşlər Nazirliyinin İnformasiya şöbəsində 2-ci katib

1990-1991 – Azərbaycan Respublikası Xarici İşlər Nazirliyinin İnformasiya şöbəsində 1-ci katib

1991-1992 – Azərbaycan Respublikası Xarici İşlər Nazirliyinin İnformasiya şöbəsində müdir müavini

1992-1994 – Azərbaycan Respublikası Xarici İşlər Nazirliyi Beynəlxalq təşkilatlar idarəsinin rəisi

1994 indiyə kimi – Azərbaycan Respublikası Xarici İşlər Nazirliyinin müavini

Xarici dillər – İngilis, fars, rus və türk

Ailə vəziyyəti – Evlidir, bir övlad atasıdır

Xələf Alı oğlu XƏLƏFOV

1959 – sentyabrın 21-də Ermənistanda anadan olmuşdur

1977-1982 – Kiyev Dövlət Universitetini bitirmişdir

1983-1990 – Azərbaycan Respublikası Daxili işlər nazirliyində inspektor bölmə rəisi

1990-1991 – SSRİ Xarici İşlər Nazirliyinin Diplomatik akademiyasında oxumuşdur

1991-1992 – Azərbaycan Respublikası Xarici İşlər Nazirliyinin konsulluq idarəsinin 2-ci katibi

1992 – Azərbaycan Respublikası Xarici İşlər Nazirliyinin Müqavilə-hüquq idarəsinin rəisi vəzifəsini icra edən

1992-1997 – Azərbaycan Respublikası Xarici İşlər Nazirliyinin Müqavilə-Hüquq idarəsinin rəisi

1997 indiyə kimi – Azərbaycan Respublikasının Xarici İşlər Nazirinin müavini

Xarici dillər – Alman, rus

Ailə vəziyyəti – Evlidir. İki övlad atasıdır

Mahmud Əhməd oğlu MƏMMƏD-QULİYEV

1949- fevralın 15-də Gəncə şəhərində anadan olmuşdur

1972 – Azərbaycan Dövlət Universitetinin hüquq fakültəsini bitirmişdir

1972-1974 – Azərbaycan Dövlət universitetinin müəllimi

Müxtəlif dövlət orqanlarında xidmət

1992-1993 – Kommersiya Bankının idarə heyəti sədrinin müavini

1993 indiyə kimi – Azərbaycan Respublikasının Xarici İşlər Nazirinin müavini

Azərbaycan Respublikasının Böyük Britaniya və Şimali İrlandiya Krallığındakı Fövqəladə və Səlahiyyətli Səfiri

Azərbaycan Respublikası Milli Məclisin üzvü

1996-2001 – Azərbaycan Respublikasının İrlandiya Respublikasında, İsveç və Norveç Krallıqlarındakı və Danimarka Krallığındakı Fövqəladə və Səlahiyyətli Səfiri

Xarici dillər – İngilis, rus

Hafiz Mir Cəlal oğlu PAŞAYEV

1941 – mayın 2-də Bakı şəhərində anadan olmuşdur

1963 – Azərbaycan Dövlət Universitetinin fizika fakültəsini bitirmişdir

1964 – 1967 – Azərbaycan Elmlər Akademiyasının Fizika İnstitutunda çalışmışdır

1971 – Moskvada Kurçatov adına Atom Enerjisi İnstitutunun aspiranturasını bitirmişdir

1971 – 1992 – Azərbaycan Milli Elmlər Akademiyasının Fizika İnstitutunda elmi işçi, laboratoriya müdiri olmuşdur

1984-Doktorluq dissertasiyasını müdafiə etmiş, fizika elmləri doktoru elmi dərəcəsinə layiq görülmüşdür

1975 – 1976 – İrvayn şəhərində yerləşən Kaliforniya Universitetində tədqiqatlarını davam etdirmişdir

1993 – 2006 – Azərbaycan Respublikasının ABŞ-dakı (eyni zamanda Meksika və Kanadada) Fövqəladə və Səlahiyyətli Səfiri

2006 – avqustun 14-də Azərbaycan Respublikası Xarici İşlər Nazirinin müavini – AR XİN-in Diplomatik Akademiyasının rektoru təyin edilmişdir.100-dən artıq elmi əsərlər,iki monoqrafiya, həmçinin yerli və dünya mətbuatında dərc edilmiş müxtəlif ictimai-siyasi mövzuları əhatə edən onlarla məqalələrin müəllifidir.

Xarici dillər – İngilis, rus

Ailə vəziyyəti – Evlidir, iki övladı, dörd nəvəsi var

Nadir Sabir oğlu HÜSEYNOV

1960 – sentyabrın 11-də Gəncə şəhərində anadan olmuşdur

1983 – Kiyev Dövlət Universitetinin Beynəlxalq Əlaqələr və Beynəlxalq Hüquq fakultəsini bitirmişdir

1988-1991 – Kiyev Dövlət Universitetinin aspirantı

1991 – noyabrın 06-da Kiyev Dövlət Universiteti Tarix Elmləri Namizədi elmi dərəcəsinə layiq görülmüşdür

1983-1992 – Azərbaycan Respublikası Nazirlər Kabineti yanında Xarici Turizm Şurasında müfəttiş, baş müfəttiş, şöbə müdiri

1992-1998 – Azərbaycan Respublikası Xarici İşlər Nazirliyinin Dövlət Protokol İdarəsinin 1-ci katibi, şöbə müdiri, idarə rəisinin müavini

1998-2010 – Azərbaycan Respublikası Xarici İşlər Nazirliyi Konsulluq İdarəsinin rəisi

2002 – yanvarın 12-də Azərbaycan Respublikası Prezidentinin Fərmanı ilə Fövqəladə və Səlahiyyətli Səfir dərəcəsi verilmişdir

2010 – noyabrın 24-də Azərbaycan Respublikası Prezidentinin Sərəncamı ilə Azərbaycan Respublikası Xarici İşlər Nazirinin müavini vəzifəsinə təyin edilmişdir.

Xarici dillər – İngilis, rus

Ailə vəziyyəti – Evlidir, üç övlad atasıdı

Ramiz Ayvaz oğlu HƏSƏNOV

1961 – avqustun 20-də Gürcüstanın Marneuli şəhərində anadan olmuşdur

1983 – Moskva Dövlət Beynəlxalq Münasibətlər İnstitutunu bitirmişdir

1984-1990 – SSRİ Xarici Ticarət Nazirliyində çalışmışdır

1990-1992 – Azərbaycan Respublikasının Nazirlər Kabineti yanında Xarici İqtisadi Əlaqələr Komissiyasında işləmişdir

1993-1997 – Azərbaycan Respublikasının Xarici İqtisadi Əlaqələr Nazirliyində məsul vəzifələrdə çalışmışdır

1997-2004 – Azərbaycan Respublikası “Azərkontrakt” Açıq Səhmdar Cəmiyyəti sədrinin 1-ci müavini olmuşdur

2004-2005 – Azərbaycan Respublikasının Gürcüstan Respublikasındakı fövqəladə və səlahiyyətli səfiri olmuşdur

2005-2008 – Azərbaycan Respublikası Standartlaşdırma, Metrologiya və Patent üzrə Dövlət Agentliyinin baş direktoru

2008-2018 – Azərbaycan Respublikası Standartlaşdırma, Metrologiya və Patent üzrə Dövlət Komitəsinin sədri vəzifəsində çalışmışdır

2018- may ayından xarici işlər nazirinin müavinidir.

Xarici dillər – ingilis və rus

Ailə vəziyyəti – Evlidir, iki övlad atasıdır.

Xələf XələfovQeyd edək ki, vəzifədən çıxarılan X.Xələfov 1 iyul 1997-ci ildə Azərbaycan Xarici İşlər Nazirinin müavini təyin edilmişdi

O, 1959-cu ilin sentyabrın 21-də Ermənistanda anadan olub. 1977-1982-ci illərdə Kiyev Dövlət Universitetini bitirib, 1983-1990-cı illərdə Azərbaycan Respublikası Daxili İşlər Nazirliyində inspektor – bölmə rəisi olub.

1990-1991-ci illərdə SSRİ Xarici İşlər Nazirliyinin Diplomatik Akademiyasında təhsil almışdır.

1991-1992-ci illərdə Azərbaycan Xarici İşlər Nazirliyinin konsulluq idarəsinin 2-ci katibi vəzifəsində çalışıb. 1992-1997-ci illərdə Azərbaycan Xarici İşlər Nazirliyinin Müqavilə-Hüquq idarəsinin rəisi olub.