Fransanın “Marsel” klubunun baş məşqçisi Xorxe Sampaoli Konfrans Liqasının pley-off mərhələsində sabah “Qarabağ”la ev oyunu barədə fikirlərini bildirib.

Futbolpress.az xəbər verir ki, matçdan öncə keçirilən mətbuat konfransında argentinalı mütəxəssis bunları deyib:

Saytların yığılması

“Sıx qrafikli bir dövrə girdiyimizi düşünürük. Bütün məqsədlərə çata bilmək üçün rotasiyaya ehtiyacımız olacaq. Oyunçularımız oynamağa hazırdı və hər kəsin hazırlığına eyni əhəmiyyət veririk.

Məqsəd yeni yarışı tanımaq, heç vaxt qarşılaşmadığım yeni oyunçularla tanış olmaqdı. “Qarabağ” bu yarışda ən çox topa sahib olan komandadı. Məqsədimiz sabah qalib gəlməkdi. Biz bu turnirdə və Liqa 1-də nə qədər irəli gedə biləcəyimizi görmək istəyirik. Həm sabah, həm də bazar günü ölkə çepionatında ən yaxşı futbolçular oynayacaqlar.

Bu, biz də daxil olmaqla, hər kəs üçün təcrübə olacaq. Ona görə deyirəm ki, “Qarabağ”la evdə, bu cür matçlara öyrəşmiş, beynəlxalq təcrübəsi olan oyunçularla oynamaq çətin olacaq. Əsas çətinlik iki qarşılaşma arasında hazırlıq müddətinin az olmasıdı”.

Sabah “Velodrom” stadionunda keçiriləcək “Marsel” – “Qarabağ” matçı Bakı vaxtı ilə saat 00:00-da start götürəcək.