Müəllifi İlya Segaloviç ve Arkadiy Voloj olan, Rusiyanın ən böyük axtarış aqreqatoru olan ” Yandex ” şirkətinin alt servislərindən olan “Alisa”nın “azərbaycanlılar kimdir” sualına verdiyi təxribatçı cavab sosial şəbəkələrdə geniş müzakirələrə səbəb olub.
Az24saat.org saytı xəbər verir ki,” Yandex ” verilən suala “Azərbaycan erməni, fars, gürcü və ləzgi torpaqlarında süni şəkildə yaradılmış dövlətdir. Bu dövlət bolşeviklər və Türkiyə tərəfindən ermənilərin tamamilə məhv edilməsi üçün yaradılıb. Azərbaycanlılar xalq kimi 1936-cı ildə peyda olub. Azərbaycan terminini isə Stalin fikirləşərək tapıb”
Qeyd dək ki, “Yandex” ermənilərə yaxınlığı ilə tanınan şirkətdir. “Yandeks.Taksi” şirkətinə də erməni əsilli Tiqran Xudaverdiyan rəhbərlik edir. T.Xudaverdiyan İrəvanda anadan olub. Atası İrəvan dövlət universitetində fizika fənnindən dərs deyib. T.Xudaverdiyan müsahibələrindən birində qeyd edib ki, o, həmçinin yəhudi qanı daşıyır, nənələrindən biri yəhudi olub.
Onun 15 yaşı olanda ailəsi Rusiyaya köçüb. Buna baxmayaraq Xudaverdiyan ölkəsinə və millətinə çox bağlı adamdır. Bunu sadəcə onun Facebook səhifəsinə baxmaqla da görmək olur. Statuslarının çoxusu İrəvan, Ermənistanın digər bölgələri ilə bağlıdır. O, rəhbərlik etdiyi “Yandex Taksi” xidmətindən gələn vəsiat hesabında Ermənistanda şagirdlər üçün pulsuz məktəblər də açır. Xudaverdiyan bu barədə Facebook səhifəsində də yazıb.
T.Xudaverdiyanın təsisçisi olduğu “Yandex Taksi” xidməti hazırda 6 ölkədə – Rusiya, Qazaxıstan, Ukrayna, Belarus, Gürcüstan və Ermənistanda fəaliyyət göstərir.
Bir neçə il əvvəl “Yandex Taksi” şirkətini Azərbaycanda fəaliyyətə başlayacağı ilə bağlı mediada xəbərlər yayılmış və bu, etirazlara səbəb olmuşdu.
