''Yazmışdım ki, adamlara zülm eləməyin, ona görə döyürdülər'' - 24 saat xəbərlər
Now Reading:
”Yazmışdım ki, adamlara zülm eləməyin, ona görə döyürdülər”
Full Article 2 minutes read

”Yazmışdım ki, adamlara zülm eləməyin, ona görə döyürdülər”

Apelyasiya şikayəti təmin edilməyib

Fevralın 22-də Bakı Apelyasiya Məhkəməsində “Müsəlman Birliyi” Hərəkatının üzvü Bəxtiyar Bağırov barəsində həbs qərarından verilən şikayətə baxılıb.

Hakim Həsən Əhmədovun sədrliyilə keçirilən məhkəmədə Bəxtiyar Bağırov bildirib ki, onun 15 sutkalıq inzibati həbsi barədə Nərimanov Rayon Məhkəməsində 11 fevralda çıxarılan qərar da, “Gənclik” metrostansiyasının yanında söyüş söydüyünə görə saxlanması barədə yazılanlar da həqiqətəuyğun deyil.

Bəxtiyar Bağırov bildirib ki, onu fevralın 6-da dostu ilə birlikdə olarkən DİN-in Mütəşəkkil Cinayətkarlığa Qarşı Mübarizə İdarəsinin əməkdaşları zorla maşına mindirib aparıblar. Sosial şəbəkələrdə yazdığı yazılara görə, Qobustan həbsxanasında işgəncələrin dayandırılması tələbinin səsləndirildiyi videomüraciətə görə idarədə işgəncələrə məruz qaldığını söyləyən B.Bağırov fevralın 12-nə qədər orada saxlandığını deyib:

“Xüsusən birinci gün məni çox döydülər. Beş-altı nəfər üstümə tökülüb döyürdü. Mən nə yazmışdım ki? Yazmışam ki, zindanlarda adamlara zülm eləməyin”.

Hakim apelyasiya şikayətini təmin etməyib.

Bəxtiyar Bağırovun yaxınları Meydan TV-yə deyib ki, bu işdən Avropa Məhkəməsinə şikayət göndəriləcək. Onların sözlərinə görə, B.Bağırov inzibati qaydada həbs olunanların saxlandığı təcridxanaya köçürülənə qədər onu yeri barədə heç bir məlumat verilməyib:

“Biz bir həftəyə yaxın məlumatsız qaldıq, bilmədik ki, bu adam hardadır, ölüb, yoxsa sağdır. Bircə onu bilirdik ki, dostuyla birlikdə olarkən mülki geyimli adamlar onu zorla maşına mindirib aparıblar”.

Maraqlı xəbərlər üçün  Az24saat.org saytının  FACEBOOK səhifəsini izləyin

Input your search keywords and press Enter.