Azərbaycan Müdafiə Nazirliyindən verilən məlumata görə, Ermənistan Silahlı Qüvvələrinin törətdiyi təxribatların qarşısını alarkən Azərbaycan Silahlı Qüvvələrinin daha 6 əsgəri şəhid olub. Ermənistanın təxribatlarında şəhid olan Azərbaycan əsgərlərinin sayının 77-yə yüksəldiyi açıqlanıb.

Ermənistan Silahlı Qüvvələri sentyabrın 12-dən etibarən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan rayonları istiqamətində irimiqyaslı təxribatlar törədib. Azərbaycan Müdafiə Nazirliyi genişmiqyaslı təxribatın qarşısını alarkən Azərbaycan ordusunun 71 əsgərinin şəhid olduğunu açıqlayıb.