İsrail qüvvələri Fələstinin İordan çayının qərb sahilindəki Cenin şəhərinə basqın edərək şəhərin bütün girişlərini bağlayıb. İsrail əsgərləri 29 mənzildən ibarət binanı mühasirəyə alaraq binadakıları çölə çıxmağa məcbur ediblər. İsrail əsgərləri daha sonra ötən aprel ayında Tel-Əvivdə 3 israillini öldürən Raad Hazemin ailəsinə məxsus mənzilə ziyan vurub.

Fələstin Səhiyyə Nazirliyi İsrail əsgərləri ilə fələstinlilər arasında qarşıdurma zamanı açılan atəş nəticəsində fələstinli Məhəmməd Musa Sabananın (29) həyatını itirdiyini, 16 nəfərin isə yaralandığını açıqlayıb.