ABŞ-ın Texas ştatında təlim uçuşu həyata keçirən F-35B tipli döyüş təyyarəsi eniş zamanı qəzaya uğrayıb, pilot isə oturacağını çıxararaq xilas olub.
KİV-in məlumatına görə, Fort Worth Birgə Hava Bazasında təlim uçuşu həyata keçirən F-35B təyyarəsi şaquli eniş zamanı qəzaya uğrayıb. Pilot oturacağın boşaldılması üsulu ilə xilas edilib.
Sosial mediada yayılan görüntülərdə təyyarənin enişini tamamlamaq üzrəykən uçuş-enmə zolağına düşdüyü, pilotun oturacağı atma üsulu ilə xilas olduğu görünür.
Pentaqon sözçüsü Patrick Ryder, mövzu ilə bağlı bir sual üzərinə, təyyarənin hələ ABŞ hökumətinə təslim edilmədiyini, istehsalçı Lockheed Martinin təyyarəsi olduğunu və yalnız ABŞ ordusunun pilotu tərəfindən idarə edildiyini bildirib.
Rayder qeyd edib ki, pilotun vəziyyəti yaxşıdır.
F-35B təyyarələri texniki nasazlıqları ilə tez-tez gündəmdədir. Bundan əvvəl ABŞ, Yaponiya, Avstraliya və İngiltərəyə məxsus F-35B seriyalı təyyarələr qəzaya uğramışdı. (AA)
Tərcümə“24 SAAT”