Yeni planet kəşf edildi – Atmosferi var
Alimlər dünyadan 1.4 dəfə böyük, bizdən 39 işıq ili məsafədə yeni planet kəşf ediblər.
“Ölkə.Az” xəbər verir ki, alimlər yeni planetə “GJ 1132b” adını versələr də, onu “super dünya” adlandırırlar.
Bildirilir ki, yeni planet su və ya metan qazı, ya da hər ikisindən ibarət qalın bir qz təbəqəsi ilə əhatə olunub. Yeni kəşf “Astronomical Journal” jurnalında yayımlanıb.
Alimlər qeyd ediblər ki, ətrafında atmosfer təbəqəsi olan planet kəşf etmək Günəş sistemindən kənarda canlı həyat axtarmaq üçün önəmli bir addımdır.
Amma eyni zamanda bildirilir ki, yeni planetdə temperatur 370 dərəcə olduğu üçün orada yaşamaq mümkün deyil. Tədqiqata rəhbərlik edən doktor Con Souzvorz bildirib ki, həyatın mümkün olduğu ən yüksək tempratur 120 dərəcədir. Amma yeni planetdə tempratur 370 dərəcədir. Bu isə orada həyatın mümkünsüz olduğuna işarə edir.
