Fay xəttindəki çatlar yer üzünü şiddətlə silkələyərkən, on minlərlə insan həyatını itirdi, yerin forması da dəyişdi. Zəlzələ iki böyük qırılmaya səbəb olarkən, torpaq əks istiqamətlərdə 7 metrə qədər hərəkət etdi. 7,7 bal gücündə ilk zəlzələnin episentrindən təxminən 150 km aralıda, Hatayın Tepehan kəndində, səthdə qeyri-adi çatlar əmələ gəlib, daha uzun bir qırıq isə yüzlərlə kilometrə uzanıb. Digər tərəfdən Hatayın Samandağ rayonunda baş verən zəlzələdən sonra təxminən 3 kilometrlik yolda dərin yarıqlar və çökmələr meydana gəlib. Zəlzələnin şiddətini ortaya qoyan yola havadan baxılıb.
Reuters-in xəbərinə görə, fevralın 10-da çəkilmiş dron görüntülərində kənddəki zeytun bağını ayıran çatlar görünüb.
NASA-nın Yer Rəsədxanasının saytına Reaktiv Sürüş Laboratoriyasının geofiziki Erik Fieldinq deyib: “Bunlar səthə çatan və uzun bir sıra qırılma seqmentlərində baş verən çox böyük və güclü zəlzələlər idi”.
İlk zəlzələnin çox geniş bir ərazidə son dərəcə güclü bir sarsıntı yaratdığını qeyd edən Fieldinq, “Zəlzələnin qırılma uzunluğu və böyüklüyü 1906-cı ildə San Fransiskonu məhv edən zəlzələ ilə eynidir” dedi.
Kaliforniya Texnologiya İnstitutundan Chris Milliner tərəfindən paylaşılan məlumatlara görə, yarıqların hər iki tərəfindəki torpaq bəzi yerlərdə əvvəlki yerindən 7 metrə qədər irəliləyərək əks istiqamətlərdə hərəkət etdi. İkinci zəlzələdə isə torpağın yerdən yerə 5 metrə qədər yerdəyişməsi müşahidə olunub.
Planet Laboratoriyasının peyk şəkilləri səthdəki yerdəyişməni ortaya qoydu. Görüntülərdə Nurdağı yaxınlığındakı kəndin mərkəzindən keçən və yerin hər iki tərəfdə bir neçə metr irəlilədiyi üçün aydın şəkildə görünən səth qırılması göstərilir.
Kahramanmaraşda baş verən iki güclü zəlzələ Hatayda dağıdıcı təsir bağışladı.
Samandağ rayonu Yeni Mahallesi Liman küçəsində yerləşən Orontes çayının dənizə qovuşduğu nöqtəyə aparan təxminən 3 kilometrlik yolda dərin yarıqlar və çökmələr baş verib.
Zəlzələnin maqnitudasını ortaya qoyan yola havadan baxılıb.
Məhəllə sakini Həbib Kaptan “Anamın 95 yaşı var. Anamdan soruşdum ki, əvvəllər belə zəlzələ olub. O, “Həyatımda belə zəlzələ görməmişəm” dedi.
Tərcümə“24 SAAT”
