Bakı/22.12.21 Regional kommunikasiyaların açılması üzrə işçi qrup Yerasx-Horadiz dəmir yolunun mərhələli açılışı variantını müzakirə edir. Bu barədə çərşənbə günü Ermənistan baş nazirinin müavini Mqer Qriqoryan Ermənistan, Rusiya və Azərbaycanın üçtərəfli İşçi Qrupunun müzakirələrinin yekunlarını şərh edərkən bildirib.

Müzakirə olunan variantlardan biri Mehri-Mincivan-Horadiz hissəsinin tikilməsini gözləmədən, Ermənistan üçün Naxçıvandan İrana gedən yolun açılmasını nəzərdə tutur.

“Bu, bizim üçün arzuolunandır, belə ki, tikinti tələb etmir və mövcud infrastrukturla həyata keçirilə bilər”, deyə Qriqoryan bildirib.

Saytların yığılması

İcevan-Qazax dəmir yolunun açılması məsələsi də müzakirə olunub, amma hazırki mərhələdə “real layihələrə” baxılır, deyə Qriqoryan əlavə edib.

Türkiyə ilə dəmir yolu əlaqəsinin bərpasına gəlincə, hələlik buna konseptual səviyyədə baxılır, deyə o qeyd edib. -02D-