“YouTube”un baş ofisinə hücum edən QADIN öldürülüb
24saat.org saytı CNN-ə istinadən bildirir ki, 4 nəfərin ağır yaralanması ilə nəticələnən silahlı basqını təşkil etməkdə şübhəli bilinən qatil qadın “YouTube”-nin baş ofisində ölü tapılıb.
Kaliforniya ştatının San-Bruno əyalətində yerləşən “YouTube”-nin baş ofisinə silahlı basqın olub. Məlumatı San-Bruno əyalət polisinin şefi Ed Barberini təstiqləyib. Barberini jurnalistlərə açıqlamasında bildirib ki, silahlı hücumu təşkil etməkdə şübhəli bilinən qadın “YouTube”-nin baş ofisində ölü tapılıb. Onun polislər tərəfindən öldürüldüyü, yaxud intihar etdiyi hələlik məlum olmasa da, polis şefi meyidin üzərində aparılan ilkin müayinə zamanı intihar etdiyini söyləməyə ciddi əsasların olduğu iddia edib.
Xatırladaq hadisə Amerika vaxtı ilə 02 Apreldə baş verib. Silahlı insident zamanı biri kişi (36 yaş), ikisi qadın (34 və 27 yaşlarında) olmaqla 3 nəfər San-Fransiskoda yerləşən travmotoloji xəstəxanaya yerləşdirilib. Daha sonra ağır yaralıların sayının 4 olduğuna dair açıqlama verilib.
Məlumat üçün bildirək ki, “YouTube”-nin San-Bruno əyalətində yerləşən baş ofisində 1100 nəfərə yaxın şəxs çalışır.
24saat.org