“Yürütdüyünüz qorxu siyasəti son nəticədə nifrətə çevriləcək və sizi hədəf alacaq”
Eldəniz Quliyevdən hakimiyyətə xəbərdarlıq
Azərbaycan Ziyalılar Birliyinin sədri, Mill Şuranın Koordinasiya Şurasının üzvü Eldəniz Quliyev 24saat.org-a açıqlamasında hakimiyyətin mövcud siyasəti və bu siyasətin məntiqi sonluğu ilə bağlı maraqlı fikirlər səsləndirib. E.Quliyev hakimiyyət tərəfindən yürüdülən qorxu siyasətinin sonda hakimiyyətin özünü hədəf alacağını vurğulayıb:
“Hakimiyyətin xalqa yönəlik siyasətində əsas yeri cəmiyyətdə xof və qorxu yaratmaq istəyi təşkil edir. Həm heykəl məhbusları, həm Rüfət Səfəroun məsələsi, həm də bu qəbildən olan digər işlər buna nümunədir. Ancaq bir vacib nüans var ki, bunu unutmamaq lazımdır. Qorxu sadəcə insanları sındırmır. O, son nəticədə nifrətə çevrilir. Nifrt isə tünd sirkə kimi öz qabına sığmır, partlayır. Biləsuvarda baş verən son olaylar bunun bir simptomudur. Hansı ki, bu simptom yayıla bilər.
Hakimiyyət islahatlar aparmayacağı, təcili və konkret addımlar atmayacağı təqdirdə proseslərin daha da intensivləşəcəyi və xaosa səbəb olacağı şübhəsizdir”.
Seymur Əliyev