Dünya Türkiyə üçün səfərbər oldu, zəlzələnin yaralarının sarılması üçün bir-birinin ardınca dəstək mesajları gəlir. Kahramanmaraşda saat 04:17-də baş verən 7,4 bal gücündə zəlzələ 10 vilayətdə dağıntılara səbəb olub. Rusiya, Ukrayna, Çin, ABŞ və bir çox Avropa ölkələri kömək üçün hərəkətə keçdi. Liderlər prezident Ərdoğan və Türkiyəyə başsağlığı mesajı göndəriblər.
Dünyadan Türkiyəyə dəstək mesajları belədir:
Rusiya Fövqəladə Hallar Nazirliyi: Zəlzələ ilə əlaqədar 100 nəfərlik axtarış-xilasetmə qrupunu daşıyan 2 İl-76 təyyarəsi Türkiyəyə göndərilməyə hazırdır.
Rusiya prezidenti Putinzəlzələ ilə əlaqədar prezident Ərdoğana başsağlığı mesajı göndərib.
Ukrayna Prezidenti Vladimir Zelenski: Prezident Ərdoğana, türk xalqına və Türkiyədə baş verən zəlzələdə həyatını itirənlərin ailələrinə başsağlığı verir, yaralananların hamısına şəfa diləyirəm. Bu çətin gündə türk xalqının yanındayıq. Biz fəlakətin nəticələrinin aradan qaldırılması üçün lazımi yardımı göstərməyə hazırıq.
NATO-nun baş katibi Stoltenberq Biz Türkiyə ilə tam həmrəyik. Prezident Ərdoğan və xarici işlər naziri Çavuşoğlu ilə təmasdayam. NATO müttəfiqləri indi dəstək üçün səfərbər edilib.
ABŞ Milli Təhlükəsizlik müşaviri Ceyk Sallivan: Biz lazım olan hər cür yardımı göstərməyə hazırıq. Prezident (Co) Bayden ABŞ Beynəlxalq İnkişaf Agentliyinə (USAID) və digər federal hökumət tərəfdaşlarına zəlzələdən ən çox zərər çəkənlərə kömək etmək üçün ABŞ-ın cavab variantlarını nəzərdən keçirməyi tapşırıb. Biz Türkiyə hökuməti ilə koordinasiyalı şəkildə vəziyyəti yaxından izləməyə davam edəcəyik.
Josep Borrell, Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi: Bu səhər Türkiyə və Suriyada baş verən dağıdıcı zəlzələ yüzlərlə insanın ölümünə, çoxlu sayda insanın yaralanmasına səbəb olub. Fikrimiz Türkiyə və Suriya xalqlarının yanındadır. Aİ kömək etməyə hazırdır.
İsveçin Baş naziri Ulf Kristersson: Prezident Ərdoğana dərin hüznlə başsağlığı verdim. Türkiyənin tərəfdaşı və AB-nin bir hissəsi olaraq biz yardım təklif edirik.
Hollandiyanın xarici işlər naziri Wopke Hoekstra: “Türkiyə və Suriyada baş verən dağıdıcı zəlzələ xəbəri bizi şoka saldı. Düşüncələrimiz qurbanlar, onların ailələri və çoxlu sayda yaralanan türk və suriyalılarladır. Hollandiya Türkiyəyə Şəhər Axtarış və Xilasetmə qrupu göndərəcək. Bu komanda polis və hərbçilərdən, ilk yardım qruplarından və yanğınsöndürənlərdən ibarətdir”.
Çinin Türkiyədəki səfirliyi: Bu çətin gündə bütün qəlbimiz türk xalqının yanındadır. Çin bütün yardımı göstərməyə hazırdır.
Tərcümə“24 SAAT”
