Loading...
Loading...
ÖLKƏDünya

Zelenski danışıqlarda mövqelərin ‘reallığa daha çox yaxınlaşdığını’ deyir

Daha öncə hər iki tərəfin təmsilçiləri danışıqlarda müəyyən proqresin olduğunu desələr də, detalları açıqlamayıblar

Ukrayna Prezidenti Volodimir Zelenski bəyan edib ki, müharibənin tənzimlənməsi üzrə danışıqlarda Ukrayna və Rusiyanın mövqeləri “reallığa daha çox yaxınlaşır”.

“Qərarların məhz Ukraynanın marağında olması üçün vaxt lazımdır”, Zelenski Telegram kanalında videomüraciətində deyib. O, prosesin “ağır, amma vacib olduğunu” vurğulayıb.

Təhlükəsizlik qarantiyası

İndiyədək RusiyaUkraynanın nümayəndə heyətləri dörd raundda görüşüblər, sonuncu videoformatda keçirilib.

Daha öncə hər iki tərəfin təmsilçiləri danışıqlarda müəyyən proqresin olduğunu desələr də, detalları açıqlamayıblar.

Rusiya Prezidenti Vladimir Putin Ukraynanın delimitarizasiyasını, Krımın ilhaqını, qondarma “DXR” və “LXR”in tanınmasını tələb edir. Ukrayna hakimiyyəti isə dəfələrlə buna razılıq verməyin qeydi-mümkün olduğunu bildiriblər.

Ancaq Kiyev Rusiyadan təhlükəsizliyinə yetərincə qarantiya alarsa, NATO-ya üzvlük planlarından əl çəkəcəyinə eyham vurub.

Putinlə mümkün görüş

Zelenski bazar ertəsi deyirdi ki, Moskva ilə Kiyev arasında danışıqlarda onun Putinlə görüşünə razılıq əldə etməyə çalışırlar. Kremldə belə bir görüşün “konseptual olaraq” mümkünlüyündün danışırlar.

Rusiyanın Xarici işlər naziri Sergey Lavrov danışıqların Ukraynanın neytral hərbi statusunun təminatına yönəldiyini deyib, “belə ki, onun ərazisindən Rusiyaya hər hansı təhlükə yaranmasın”.

Ukrayna prezident aparatı başçısının müşaviri Mixail Podolyak danışıqların martın 16-da davam edəcəyini, prosesin “çox mürəkkəb” olduğunu bəyan edib. “Prinsipial ziddiyyətlər var. Amma əlbəttə ki, kompromis üçün yer də var”, – o, tvitində yazıb.

Putinin Ukraynaya qarşı fevralın 24-dən başlatdığı müharibə davam edir. Hərbi itkilərlə bağlı dəqiq say açıqlanmasa da, minlərlə hərbçi və dinc sakinin həlak olduğu bildirilir.

24 saat” “
Zelenski danışıqlarda mövqelərin ‘reallığa daha çox yaxınlaşdığını’ deyir
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  ABŞ dövlət katibi İlham Əliyevə zəng edib

This site uses Akismet to reduce spam. Learn how your comment data is processed.

Back to top button