Zelenskinin Ərdoğana təşəkkür etdi
Rusiyanın Ukraynaya təcavüzünün üçüncü günündə prezident Rəcəb Tayyib Ərdoğan Ukrayna prezidenti Zelenski ilə telefon əlaqəsi yaradıb. İki lider bölgədəki vəziyyəti müzakirə edərkən, Ərdoğan ən qısa zamanda atəşkəsin elan edilməsi üçün səy göstərdiklərini bildirib.
Verilən açıqlamaya görə, görüşdə Rusiyanın Ukraynaya hərbi müdaxiləsi və son hadisələr müzakirə edilib.
Prezident Ərdoğan görüşdə Rusiyanın hücumunda həyatını itirən Ukrayna vətəndaşlarına görə başsağlığı verib, yaralananlara şəfa diləyib.
“BİZ ATƏŞKƏS ÜÇÜN ÇALIŞIQ”
Prezident Ərdoğan daha çox insan itkisinin qarşısını almaq və Ukraynaya daha çox ziyan dəyməməsi üçün ən qısa zamanda atəşkəs elan etmək üçün səy göstərdiklərini bildirib.
Zelenskinin Ərdoğanın sözlərinə cavab verməsi çox çəkməyib. Zelenski Twitter hesabından paylaşdığı açıqlamada, “Dostum Ərdoğana və türk xalqının güclü dəstəyinə təşəkkür etmək istəyirəm. Qara dənizdə Rusiya gəmilərinə qadağa qoyulması və hərbi, humanitar dəstək göstərmək bu gün çox vacibdir. Ukrayna xalqı göstərilən dəstəyi heç vaxt unutmayacaq” sözlərini yazıb.
Digər tərəfdən, Ərdoğanın Özbəkistan prezidenti Mirziyoyev, Türkmənistan prezidenti Berdiməhəmmədov və Azərbaycan prezidenti Əliyevlə telefon danışığı apararaq bölgədəki hadisələri müzakirə etdiyi bildirilib.
