Ləğv olunmuş Nəqliyyat Nazirliyinin rəhbəri olmuş Ziya Məmmədovun media holdinqi də çökür.
Bu barədə Anaxeber.Az-ın əldə etdiyi məlumata görə, keçmiş nazirin maliyyələşdirdiyi saytlar apreldən yeni mənbə axtarışına çıxmalı olacaq.
Çünki sabiq nazir apreldən himayəsindəki elektron KİV-in maliyyəsini dayandırıb və həmin saytlar fəaliyyətini dayandırmaq təhlükəsi ilə üzləşib.
Məlumatda bildirilir ki, Z.Məmmədovun saytlarına qeyri-rəsmi şəkildə pul olmadığı deyilib və bundan sonra da maliyyə ayrılması nəzərdə tutulmur.
Vəzifəsini itirdikdən sonra biznes imperiyası süqut dövrünü yaşayan Z.Məmmədovun nəzarətindəki holdinq, əmlaklar, obyektlər, kurasiyasında olan rayonlar və ən əsası informasiya mərkəzləri əlindən çıxır.
Bu gedişlə adi vətəndaşa çevrilməkdə olan eks-nazirin tamamilə bütün resurslarının əl dəyişəcəyi gözlənilir.
Yeri gəlmişkən, uzun müddət Ziya Məmmədovun mediası fövqəladə halalr naziri Kəmaləddin Heydərovun himayəsindəki mətbuatla qarşıdurmada olub və FHN qarşılıqlı informasiya müharibəsi gedib. Ziya Məmmədovun media siyasətini müəyyənləşdirən Dövlət Avtomobil Nəqliyyatı Xidməti rəisi olub.
24saat.org
