”Bank ilk növbədə balans göstəricilərini ”səhmana salmalıdır””

Saytların yığılması

 “Səhmləri dövlətə məxsus olan “Azərbaycan Beynəlxalq Bankı” ASC (ABB) tezliklə özəlləşdiriləcək, lakin bu proses 2018-ci ildən tez baş verməyəcək”.

APA “Reuters” agentliyinə istinadən xəbər verir ki, bu barədə ABB-nin xarici öhdəliklərinin reztrukturizasiyası ilə bağlı planı beynəlxalq kreditorlara təqdim etmək üçün Böyük Britaniyanın paytaxtı Londonda səfərdə olan maliyyə naziri Samir Şərifov bildirib.

Nazirin sözlərinə görə, bank ilk növbədə balans göstəricilərini “səhmana salmalıdır”. “Real olaraq özəlləşdirilmə prosesi 2018-ci ildən tez baş tutmayacaq”, – deyə o bildirib.

 ABB-də dövlətə məxsus səhmlər 91,3 faizə (Maliyyə Nazirliyi – 76,7 faiz, Aqrarkredit – 14,6 faiz) çatıb.