“Qarabağ”ı dayandıran tapılmır
Bu gün Azərbaycan Premyer Liqasında 31-ci tura start verilib. ANS PRESS-in məlumatına görə, ilk oyun günündə bir qarşılaşma baş tutub.
Günün yeganə oyununda lider “Qarabağ” 3-cü pillədəki “İnter”i qəbul edib. “Azərsun Arena”da baş tutan matçda hesabı Reynaldo açıb.Braziliyalı futbolçu 12-ci dəqiqədə rəqibi meydanın mərkəzinə dəvət edib.
50-ci dəqiqədə Muarem Muarem “İnter”i məyus edib. Bununla “Qarabağ” 2:0 hesablı qələbə qazanaraq çempionluq yolunda daha bir addım atıb.
Bu qələbə ilə həmçinin “Qarabağ”ın məğlubiyyətsiz oyunlar seriyası 12-yə çatıb. Qurban Qurbanovun yetirmələri ardıcıl olaraq 8 turda qələbə qazanıb.
31-ci turun iki oyunu sabah, ikisi bazar günü baş tutacaq.
Azərbaycan Premyer Liqası
“Qarabağ” – “İnter” 2:0
Qollar: Reynaldo Silva, 12. Musarem Muarem, 50.
Qırmızı vərəqə: Fuad Bayramov, 75.
Hakimlər: Rəvan Həmzəzadə, Yaşar Abbasov, Mehman Mahmudov, Mahir Məmmədov
“Azersun Arena”.
