28 noyabrda Amerika Birləşmiş Ştatlarının və Almaniyanın müvəqqəti işlər vəkilləri, habelə Fransanın fövqəladə və səlahiyyətli səfiri ayrı-ayrılıqda Xarici İşlər Nazirliyinə (XİN) çağırılıblar.

Toplum TV xəbər verir ki, bu barədə noyabrın 28-də XİN məlumat yayıb. 

Rəsmi Bakı bu ölkələrdə qeydiyyatda olan təşkilatların “AbzasMedia” portalı ilə qeyri-qanuni maliyyə əməliyyatları həyata keçirdiyi bildirilib. 

Saytların yığılması

“Sözügedən ölkələrin səfirliklərinin də bu fəaliyyətə cəlb olunduğu diqqətə çatdırılıb və bu fəaliyyətə ciddi etiraz bildirilib”, – məlumatda qeyd olunub. 

Qanunsuz yolla transfer həyata keçirilən təşkilatların arasında ABŞ-nin Beynəlxalq İnkişaf Agentliyinin, FreedomNow, New Democracy Fund və digər təşkilatların adları çəkilib. 

Bu təşkilatların qrant fəaliyyəti və qrant müqavilələri haqqında Azərbaycan Respublikasının qanunvericiliyini pozduğu və bunun ciddi qanun pozuntusu olduğu vurğulanıb.

Sözügedən ölkələrin səfirliklərinin və onlara məxsus təşkilatların qanunvericiliyə zidd hərəkətləri Vyana Konvensiyasının da pozuntusu olduğu qeyd edilib.

Azərbaycan tərəfi sözügedən faktlarla əlaqədar milli qanunvericiliyə uyğun olaraq müvafiq tədbirlər görmək hüququnu özündə saxladığınə diqqətə çatdırıb.