ABŞ Rusiyanı davam edən hücumlara görə tənqid edir və bildirir ki, Ukraynanın bərpası prosesi "artıq başlayıb"
Çərşənbə günü Bayden Administrasiyası Konqresi “təcili hərəkət etməyə” və Ukraynaya dəstək verməyə çağırıb, xəbəri Turan-ın Vaşinqtondakı müxbiri verib.
“Amerika xalqı Ukraynanı dəstəkləyir və biz çətin anda onları tək qoya bilmərik”, deyə ABŞ-ın Ukrayna iqtisadiyyatının bərpası məsələləri üzrə xüsusi nümayəndəsi Penni Ptitsker jurnalistlərə bildirib.
“Rusiyanın Ukraynaya tammiqyaslı hücumundan 784 gün sonra Konqres Ukraynanın təhlükəsizliyini təmin etmək üçün təcili hərəkət etməlidir. Bu yardımın göstərilməməsinin ciddi nəticələri olacaq və Putin Ukraynanın enerji sisteminə hücumları davam etdirəcək, yüz minlərlə insanı istiliksiz qoyacaq, cəbhədə isə Ukrayna öz mövqelərini itirəcək”, deyə o qeyd edib.
Xüsusi nümayəndə Turan-ın suallarına cavabda bildirib ki, Ukraynaya dəyən zərər 500 milyard dollara yaxınlaşır.
