ABŞ Senatı Rusiyanın prezident seçkiləri kampaniyasına müdaxilə etdiyi ilə bağlı iddiaları araşdırmağa davam edir.
Senat Kəşfiyyat Komitəsi mövzu ilə əlaqəli başladılan istintaqın tərəfsiz və şəffaf olacağını qeyd edib. Komitə bugündən etibarən təxminən 20 nəfəri dinləyəcək. Komitə sədri Respublikaçı senator Riçard Burr keçirdiyi mətbuat konfransında istintaqın nəticəsində Rusiyanın müdaxiləsi ilə bağlı şikayətlər mövzusunda ictimaiyyəti razı salacaq məlumatlar əldə etməyi hədəflədiklərini bildirib.
“Keçmiş texnologiya mütəxəssisi olaraq bəzi hesabatlar məni narahat edir. Bizim bu mövzunun təməlinə qədər gedib çıxmalıyıq. Rusiyada mindən artıq maaşla işləyən troll var və bunlar Rusiyada bir təsisdə çox sayda kompüterin internet protokol adresinə girib bəzi özəl sahələrdə xəbərlər hazırlaya bilirlər”, – Demokrat senator Mark Varner deyib.
Yekunda Komitə Rusiyanın seçkilərə müdaxiləsinin nəticəsini Senata təqdim edəcək.
Aqil
24saat.org
Mənbə – azadliq.info
