"Abzas Media"nın jurnalisti saxlanılıb
“Abzas Media”nın jurnalisti Nərgiz Absalamova saxlanılıb.
Toplum TV xəbər verir ki, bu gün Bakı Şəhər Baş Polis İdarəsinə ifadə üçün çağırılan jurnalist idarədən Xətai rayon Polis İdarəsinə aparılıb.
Nərgiz Absalamova da Cinayət Məcəlləsinin 206.3.2 maddəsi (Qaçaqmalçılıq-qabaqcadan əlbir olan bir qrup şəxs tərəfindən törədildikdə) maddəsi ilə cinayət işi açılıb.
Bundan əvvəl “Abzas Media” internet nəşrinin direktoru Ülvi Həsənli və direktorun müavini Məhəmməd Kekalov noyabrın 20-də, nəşrin baş redaktoru Sevinc Vaqifqızı isə noyabrın 21-də saxlanılıb. Bakının Xətai Rayon Məhkəməsi hər üç şəxs barəsində 4 aylıq həbs qətimkan tədbiri seçib.
Cinayət Məcəlləsinin 206.3.2 maddəsi ilə ittiham olunan jurnalistlər özlərini təqsirli bilmirlər. Onlar həbslərinin peşəkar fəaliyyətləri, “Abzas Media”da dərc olunan korrupsiya araşdırmaları ilə bağlı olduğunu bildirirlər.
