Akcemal Durdıyeva: “Bakıda keçirilən konfrans gender bərabərliyinin təmini yollarının tapılmasına töhfə verir”
“Bakıda keçirilən beynəlxalq konfrans dünyada gender bərabərliyinin təmin edilməsi yollarını tapmağa töhfə verir”.
“Report” xəbər verir ki, bunu Türkmənistan Qadınlar Birliyinin Mərkəzi Şurasının sədri Akcemal Durdıyeva noyabrın 20-də Qoşulmama Hərəkatının ailə, qadın komitələrinin Bakıda keçirilən “Qadınların hüquqlarının inkişaf etdirilməsi və səlahiyyətlərinin artırılması” mövzusunda konfransda çıxışı zamanı deyib.
Onun sözlərinə görə, Türkmənistan Qadınlar Birliyinin əsas strategiyası gender bərabərliyi siyasətinin həyata keçirilməsini təmin etməkdir: “Qadınlara qarşı zorakılığın davam etməsi, iqtisadi resurslara qeyri-bərabər çıxış və s. bu istiqamətdə hədəflərə çatmağa hələ də mane olur”.
O qeyd edib ki, ölkələr qadınların hüquqlarını təmin etməklə əhəmiyyətli sosial-iqtisadi inkişafa nail olacaq.
Mənbə:Report
