Gündəm
Bakı erməni əsgərin ölümündə Azərbaycan tərəfinin əli olduğunu təkzib edib
Bakı/04.12.23/Turan: Ermənistan Müdafiə Nazirliyi Azərbaycanla sərhəddə erməni hərbçinin öldürülməsi barədə məlumat yayıb.
Ermənistan Hərbi nazirliyinin yaydığı məlumatda bildirilir ki, Gerasim Avetikoviç Arakelyan dekabrın 4-də saat 14:35 radələrində “Bardzruni (Vayotsdzor vilayəti) ərazisində yerləşən erməni mövqeyində Azərbaycan tərəfinin açdığı atəş nəticəsində ölümcül yaralanıb”.
Lakin Azərbaycan hərbi nazirliyi Azərbaycan tərəfdən atəş açılması ilə bağlı məlumatı təkzib edib.
“Biz təxribat xarakterli bu məlumatı qəti şəkildə təkzib edirik”, – Azərbaycan Müdafiə Nazirliyinin bəyanatında deyilir.—06B-
