Loading...
Loading...
Gündəm

“Dedilər ki, Nəriman müəllimin göstərişidir, maaş verilməyəcək” – Qazi

Baş Prokurorluq tərəfindən qanunsuz ağac kəsilməsinə görə rəhbərlik etdiyi “Ştutqart” MMC barəsində cinayət işi başlanılan keçmiş deputat Nəriman Əliyev bu dəfə 64 işçinin maaşını ödəməməkdə ittiham edilir. Əmək haqqını ala bilməyən əməkdaşlardan biri də Qarabağ Müharibəsi qazisi İsmayıl Qurbanovdur.

“Qafqazinfo”ya müraciət edən İsmayıl Qurbanov bildirib ki, ötən il həmkarları ilə birgə işlədiyi “Ştutqart” MMC-də işdən çıxarılıblar maaşlarını ala bilməyiblər: “2021-ci il sentyabr-oktyabr aylarında 64 nəfər tutduğumuz vəzifələrdən azad edildik. Bizimlə hesablaşma aparıldı bizə çatacaq əmək haqlarının bir hissəsinin yaxın müddətdə veriləcəyi deyildi. Onlar bizə ümumilikdə 76 813 manat verməli idilər. Mən orada satış meneceri işləyirdim. Məsələn, mənə bir ayın maaşı verilməyib. Digərlərində isə fərqlidir. Elə işçi var ki, iki ayın maaşını ala bilməyib”.

Qazinin sözlərinə görə, bir müddət keçdikdən sonra pulun verilmədiyinə görə, işçiləri vasitəsilə “Ştutqart” mağazalar şəbəkəsinin direktoru Nəriman Əliyevə müraciət ediblər: “Biz Nəriman Əliyevin köməkçisi Hacı Azərə, rəhbərlikdə təmsil olunan Orxan Hikmət adlı şəxslərə dəfələrlə müraciət etsək də, cavab olaraq bizə deyilib ki, “Nəriman müəllimin göstərişidir, işdən çıxan heç kəsə əmək haqqı qalığı verilməyəcək”.

Fotoda: İsmayıl Qurbanov

İsmayıl Qurbanov

Biz bu məsələdən güc strukturlarına, lazımi orqanlara şikayət edəcəyimizi desək də, hər dəfə ağır ifadələrlə Nəriman Əliyevin heç kəsdən qorxub-çəkinmədiyini, kimə şikayət edilməsindən asılı olmayaraq bu pulların verilməyəcəyini dedilər. Nəticədə işdən çıxmağımızdan 4 aya yaxın vaxt keçməsinə baxmayaraq, hələ də bizə çatmalı olan pulları ala bilməmişik”.

Eks-deputat Nəriman Əliyevə vətəndaşın iddialarına cavab vermək üçün son bir həftə ərzində dəfələrlə müraciət etsək də, zənglərə cavab vermədiyi üçün münasibət öyrənə bilmədik.

Qeyd edək ki, qazi İsmayıl Qurbanov Vətən Müharibəsində iştirakına görəFüzulinin azad edilməsinə görəXocavəndin azad edilməsinə görə” medalları ilə təltif edilib.

24 saat

Gözdən qaçırmayın:  Ukrayna Müdafiə Nazirliyi son durumu açıqladı

This site uses Akismet to reduce spam. Learn how your comment data is processed.

Back to top button
Telegram kanalımıza abunə olun