Elnarə Qasımova

“AbzasMedia” nəşrilə bağlı cinayət işi üzrə daha bir jurnalist tutulub. Yanvarın 13-də bu cinayət işi üzrə ifadə vermək üçün Bakı şəhər Baş Polis İdarəsinə şahid qismində ifadə vermək üçün çağırılan jurnalist Elnarə Qasımova şübhəli şəxs qismində saxlanılıb.

“AbzasMedia” işi üzrə həbsdə olan 5 jurnalist kimi, o da Cinayət Məcəlləsinin  Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsilə ittiham olunur.

Vəkili Bəhruz Bayramov Meydan TV-yə deyib ki, Elnarə Qasımova özünü qətiyyən təqsirli bilmir.

“Dedi ki, həbs olunacağını gözləyirdi. Hesab edir ki, bu həbs onun jurnalist fəaliyyətilə bağlıdır. Qaçaqmalçılıq ittihamının əsassız, absurd olduğunu, bu maddədən sadəcə, jurnalistləri həbs eləmək üçün bəhanə kimi istifadə edildiyini düşünür”.

Əlaqəli yazılar