Loading...
Loading...
Texnologiya

Elon Musk insanların Marsa nə zaman uçacaqları məsələsində yeni tarix təyin edib

    Görünür, Elon Musk yaxın zaman ərzində SpaceX-in raketi vasitəsilə Marsa astronavtların yollanacağına əmin deyil. Elon Musk bildirib ki, onun fikrincə insanlar Marsa ilk dəfə 2029-cu ildə ayaq basacaqlar. Lakin hələ keçən ilin dekabr ayında o bildirmişdi ki, artıq 2024-cü ildə insanları Marsa göndərməyi planlaşdırır. Artıq aydın məsələdir ki, Musk bu planı 2024-cü ildə reallaşdırmayacaq. Əgər Musk öz raketi vasitəsilə insanları 2029-cu ildə Marsa göndərə bilsə, bu, unikal bir tarix olar. Çünki 2029-cu ildə ilk insanın Aya enişindən 60 il ötəcək.

    Musk-ın Twitter-dəki abunəçilərindən birinin Marsa uçuş tarixi barəsində sualına o, məhz 2029-cu ili qeyd edib. Əgər astronavtlar SpaceX-in raketi vasitəsilə bu onillikdə Marsa eniş edə bilməsələr, bu layihəni 2030-cu illərə ertələmək lazım gələcək. Bu isə Musk üçün əlavə narahatlıq deməkdir. Belə ki, NASA da Marsa astronavtları məhz 2030-cu illərdə göndərməyi planlaşdırır. Musk-ın bu məsələdə daimi olaraq tarix dəyişdirdiyini nəzərə alsaq, 2029-cu ildə Mars uçuşunun dəqiq şəkildə reallaşacağını güman etmək çətindir. Buna görə də sadəcə olaraq qeyd edilmiş müddətə kimi səbrlə gözləmək lazımdır.

24 saat” “Elon Musk insanların Marsa nə zaman uçacaqları məsələsində yeni tarix təyin edib” başlıqlı yazını “technote”-yə istinadən dərc edib

Xeberler

Gözdən qaçırmayın:  Maşın sürməyi asanlaşdıran 3 GÖZLƏNİLMƏZ SEÇİM

This site uses Akismet to reduce spam. Learn how your comment data is processed.

Back to top button