class=”mediyanet-inline-adv”>

Azərbaycanın Dağlıq Qarabağda ölkənin konstitusiya bütövlüyünü bərqərar etmək üçün başlatdığı antiterror əməliyyatından sonra Ermənistanda müxalifət qrupları küçələrə axışıb.
Paytaxt İrəvanda parlament binası qarşısına toplaşan etirazçılar Paşinyanı Dağlıq Qarabağdakı separatçılara dəstək vermədiyinə görə tənqid edib və istefaya çağırıblar. Ermənistan polisi parlamentin ətrafında sıx təhlükəsizlik tədbirləri görərkən, bəzi nümayişçilərin binanın qarşısındakı polis barrikadasını aşmağa cəhd etməsi ilə qısa müddətli əlbəyaxa dava düşüb.

Ermənistandakı müxalif siyasi partiyalar və qeyri-hökumət təşkilatları öz bəyanatlarında etiraz aksiyalarında iştiraka çağırıb və Paşinyanın istefasına qədər aksiyalarını davam etdirəcəklərini bəyan ediblər.