Sığorta xəbərləriXəbərlər
“Günay Sığorta” İcbari Sığorta Bürosunun üzvləri siyahısından çıxarılıb
Lisenziyası ləğv edilən “Günay Sığorta” ASC İcbari Sığorta Bürosunun (İSB) iştirakçı sığorta şirkətlərinin siyahısından çıxarılıb.
Bu barədə İSB-dən bildirilib. Qeyd edilib ki, bununla da, Büroda iştirakçı qeyri-həyat sığorta şirkətlərinin sayı 14-dən 13-ə, ümumi iştirakçılarının sayı isə 19-dan 18-ə enib.
Qeyd edək ki, səhmdarlarından biri olan “Günay Bank”ın mayın 16-dan lisenziyasının ləğv edilməsindən sonra “Günay Sığorta” fəaliyyətini dayandırmaq üçün Mərkəzi Banka könüllü müraciət edib. AMB-nin qərarı ilə iyunun 24-də sığorta şirkətinin fəaliyyətinə xitam verilib.
