Havayda kabus davam edir… Ölənlərin sayı 106-ya yüksəlib
2023-08-16 12:05:19
class=”mediyanet-inline-adv”>
ABŞ-ın turizm cənnəti olan Havay ştatının Maui adasında avqustun 8-də başlayan və tarixi Lahaina şəhərini demək olar ki, tamamilə külə çevirən meşə yanğınlarının sayı getdikcə artır.
Ada rəhbərliyindən verilən yazılı açıqlamada yanğınlarda həyatını itirənlərin sayının 106-ya yüksəldiyi açıqlanıb. Həyatını itirənlərin şəxsiyyətinin müəyyən edilməsi istiqamətində işlərə başlanıldığı bildirilib. 1300 nəfərin hələ də itkin düşdüyü, meyit itləri ilə axtarış işlərinin davam etdiyi, ölənlərin sayının arta biləcəyi vurğulanıb.
Maui Polis İdarəsi 74 yaşlı Robert Dyckman və 79 yaşlı Buddy Jantoc olduğu müəyyən edilən ilk iki şəxsin adlarını açıqlayıb. Maui polis rəisi Con Pelletier itkin düşmüş qohumları DNT nümunələri ilə təmin etməyə çağırdığını təkrarladı. Havay qubernatoru Coş Qrin də ölənlərin ümumi sayını müəyyən etmək üçün daha bir neçə gün lazım olacağını söylədi.
BİDEN HAVAYIYA gedəcək
class=”mediyanet-inline-adv”>
Hökumətin yanğına reaksiyası ilə bağlı tənqidlər artsa da, ABŞ prezidenti Co Bayden “mümkün qədər tez” Havay adalarına gedəcəyini bildirib. Bayden vurğuladı ki, bölgədəki “bütün federal aktivlər” ABŞ ordusu və Sahil Mühafizəsi də daxil olmaqla bərpa səyləri üçün istifadə ediləcək.
Maui adasında çərşənbə axşamı başlayan meşə yanğınları Dora qasırğasının təsiri ilə genişlənərkən, 14 mindən çox turist təxliyə edilib. Bildirilir ki, ABŞ prezidenti Co Bayden ABŞ tarixində ötən əsrdə baş verən ən ölümcül meşə yanğınlarında əyalətdə dəyən ziyanın aradan qaldırılması üçün Konqresdən 12 milyard maliyyə yardımı istəyəcək.
Tərcümə“24 SAAT”