Gündəm
İlham Əliyev növbədənkənar prezident seçkilərini fevralın 7-nə təyin edib
Bakı/07.12.23/Turan: Azərbaycan prezidenti İlham Əliyev növbədənkənar prezident seçkilərinin 2024-cü il fevralın 7-nə təyin edilməsi haqqında sərəncam imzalayıb.
Sənəd növbədənkənar seçkilərin keçirilməsinin siyasi zərurətini izah etmir və yalnız Seçki Məcəlləsinin belə seçkilərin keçirilməsini nəzərdə tutan 179-cu maddəsinə istinad edir.
Mərkəzi Seçki Komissiyasına seçkilərin müəyyən edilmiş müddətdə keçirilməsini təmin etmək tapşırılıb.
İlham Əliyevin dövlət başçısı kimi hazırkı 7 illik səlahiyyət müddəti 2025-ci ilin aprelində başa çatır.-06B-