İranın yeni pilotsuz uçuş aparatı: Mohajer 10
2023-08-22 15:59:42
class=”mediyanet-inline-adv”>
İranda Müdafiə Sənayesi Həftəsi çərçivəsində təşkil edilən və İran prezidenti İbrahim Rəisinin də qatıldığı proqramda; 24 saat havada qalma qabiliyyətinə malik, 7 min metr hündürlükdə və 2 min kilometr məsafədə fəaliyyət göstərə bilən “Mohacer 10” adlı yeni pilotsuz uçuş aparatı (PUA) təqdim edilib. Bildirilib ki, PUA 450 litr yanacaq tutumuna malikdir və saatda 210 kilometr sürətə çata bilir. Bildirilib ki, 300 kiloqram yükgötürmə qabiliyyətinə malik yeni PUA hər cür hərbi sursat və partlayıcı daşıya bilir, elektron döyüş və kəşfiyyat imkanları ilə təchiz edilib.
İranın müdafiə naziri Məhəmməd Rza Aştiyaninin və digər yüksək səviyyəli hərbi rəsmilərin də iştirak etdiyi proqramda “Xorremşəhr” və “Hacı Qasim” adlı raketlərin İran Silahlı Qüvvələrinə təhvil verilməsi mərasimi keçirilib.
class=”mediyanet-inline-adv”>
UKRAYNA MÜHARİBƏSİ İDDİALARI
Ukrayna rəhbərliyi Rusiyanın Kiyevi hədəf alan hücumlarında İranın Şahid-136 tipli kamikadze pilotsuz uçuş aparatlarından istifadə etdiyini iddia edərək, İranla diplomatik əlaqələri tamamilə kəsməyə hazırlaşdığını açıqlayıb. Kremlin sözçüsü Dmitri Peskov İrana məxsus PUA-ların Ukraynada istifadə edilməsi ilə bağlı iddiaları təkzib edib.
ABŞ Dövlət Departamenti iddialarla bağlı açıqlamasında İran silahlarının Ukraynada hərbçilərə və mülki şəxslərə qarşı istifadə edildiyinə dair əllərində geniş dəlillərə malik olduğunu və Vaşinqton rəhbərliyinin İran PUA-larına qarşı sanksiyalar tətbiq edə biləcəyini bildirib. Tehran administrasiyası iddiaları rədd etsə də, Ukraynanın onlara İran PUA-larının müharibədə istifadə edildiyinə dair konkret sübut təqdim etmədiyini bildirib.
İRANA QARŞI SANKSİYALAR
İranın PUA istehsalının Ukraynadakı müharibədə istifadə edildiyinə dair iddialara görə ona qarşı sanksiyalar tətbiq edilir. Avropa İttifaqının İrana qarşı “məhdudlaşdırıcı tədbirlər” çərçivəsində tətbiq etdiyi sanksiyalar İranın İHA istehsalında ehtiyac duyduğu hər cür hissə və materialların Aİ ölkələrindən ixracını qadağan edir.
ABŞ administrasiyası da eyni səbəbdən İran istehsalı olan İHA-ların tədarükçülərinə qarşı sanksiyalar tətbiq edir.
Tərcümə“24 SAAT”