İstanbulda Dr. Pərvanə Məmmədlidən Güney Azərbaycanla bağlı möhtəşəm təqdimat
İstanbul Azərbaycan Mədəniyyət (Kültür) Evində Azərbaycanlı yazar, akademik Dr. Pərvanə Məmmədlinin yeni “XX. Yüzyıl Güney Azerbaycan Edebiyatının Öncüleri – I” kitabının imza günü heyranlıqla qarşılanıb.
Güney Azərbaycanın aparıcı ədəbiyyatçılarını təqdim edən kitab, “Ötüken Yayın evi” tərəfindən nəşr edilib və mərasim iştirakçıları tərəfindən dərin maraq ilə qarşılanıb.
İranın ərazisində yerləşən Güney Azərbaycan, 30 milyondan çox Türkün Vətənidir. Tədbirdə təqdim edilən Türk və Fars dillərində yazan Türk ədəbiyyat nümayəndələrinin əsərləri də geniş maraqla qarşılanıb.
Dr. Pərvanə Məmmədli, Türkiyədə və Azərbaycanda bu ədəbiyyatçıların tanınması üçün səmərəli səylər göstərən bir şəxs olaraq bilinir.
Dr. Pərvanə Məmmədli kitabın ikinci cildinin də çox yaxında dərc ediləcəyi müjdəsini də verib.
