Loading...
Loading...
Texnologiya

Məşhur insayder qatlana bilən Galaxy Z Fold 4-ün dizaynını sərgiləyib

    OnLeaks ləqəbli məşhur insayder yaxın aylarda təqdim ediləcək qatlana bilən Galaxy Z Fold 4 flaqman smartfonunun xarici görünüşünü sərgiləyib. Əvvəlki Galaxy Z Fold modellərindən fərqli olaraq yeni smartfon bəzi dəyişikliklərə məruz qalıb. Belə ki, öz iki ekranının ölçülərini qoruyub saxlamaqla Galaxy Z Fold 4 daha kompkat ölçüdə reallaşdırılıb. Əvvəlki Galaxy Z Fold modellərində olduğu Galaxy Z Fold 4 də daxildən böyük ölçülü qatlana bilən ekran və xaricdən köməkçi ekran rolunu oynayan əlavə ekran ilə təchiz olunacaq. Gövdə perimetri üzrə çərçivə daha yastı olacaq, kameralar sahəsinin dizaynı isə Galaxy S22 Ultra modelindəki kimi reallaşdırılacaq.

    Bundan əlavə olaraq yeni smartfonun həm aşağı həm də yuxarı hissələrində stereo səsgücləndiricilər yerləşdiriləcək. İnsayderlərin verdikləri son məlumatlara əsasən Galaxy Z Fold 4 modeli 7.6 düym daxili ekran və 6.2 düym xarici ekran ilə təchiz olunacaq. Yəni yeni smartfon Galaxy Z Fold 3-ün ekran ölçülərini özündə birləşdirəcək. Lakin bununla belə Galaxy Z Fold 4 daha kompakt ölçüyə sahib olacaq. Çox güman ki, yeni smartfonda ekran ətrafı çərçivələr maksimal dərəcədə nazik dizaynda reallaşdırılacaq. Galaxy Z Fold 4 modelinin Galaxy Z Flip 4 ilə birlikdə avqust ayında təqdim ediləcəyi gözlənilir.

Samsung Galaxy Z Fold4

Samsung Galaxy Z Fold4

24 saat” “Məşhur insayder qatlana bilən Galaxy Z Fold 4-ün dizaynını sərgiləyib” başlıqlı yazını “technote”-yə istinadən dərc edib

Xeberler

Gözdən qaçırmayın:  Eyni anda minlərlə ulduzu uda bilən super kütləli qara dəliklər aşkar edilib

This site uses Akismet to reduce spam. Learn how your comment data is processed.

Back to top button
Telegram kanalımıza abunə olun