Makrondan qalmaqallı təklif: Gəlin cərimələr tətbiq edək
2023-07-04 18:00:28
Çərşənbə axşamı Fransanın paytaxtı Parisdə 17 yaşlı yeniyetmənin yol polisinin dur xəbərdarlığına tabe olmayaraq öldürülməsindən sonra başlayan nümayişlər davam edərkən, Fransa prezidenti Makrondan mürtəce bir açıqlama gəldi.
Fransanın paytaxtı Parisin Nanter qəsəbəsində 17 yaşlı Afrika əsilli Nahel M.-nin polis tərəfindən vurularaq öldürülməsi ilə başlayan etirazlar davam edir.
Günlərdir davam edən üsyan dalğası sanki səngiyir. Bazar günü gecə nümayişlərdə zorakılıq və saxlanılanların sayı azalıb.
Parisdə başlayan və qısa müddət ərzində bütün ölkəyə yayılan etirazlar dünyanın əsas gündəmi olmağa davam edərkən, Fransa prezidenti Makrondan mübahisəli açıqlama gəldi.
AFP-də yer alan xəbərə görə, Fransa lideri hadisələrdə uşaqları olan ailələrə maliyyə sanksiyaları tətbiq etmək istədiyini bildirib.
Parisdə polis məmurları ilə görüşən Makron məsələ ilə bağlı açıqlamasında aşağıdakı ifadələrə yer verib:
‘Biz ilk cinayətdə ailələrə maddi və asan sanksiya tətbiq etmək üçün bir yol tapmalıyıq.’
Makron bunun “ilk səhv üçün bir növ minimum qiymət” olacağını söylədi.
Makronun açıqlamaları qısa zamanda ölkə gündəminin əsas prioritetinə çevrildi.
Sosial mediada ən çox müzakirə olunan mövzulardan birinə çevrilən təklifə “Fransa lideri odun üstünə benzin tökür” kimi şərhlər edilib.
Cümə günü üsyan pik həddə çatanda Makron valideynləri uşaqlarına nəzarət etməyə çağırdı.
Makron deyib: “Onları evdə saxlamaq valideynlərin vəzifəsidir. “Onların yerində hərəkət etmək dövlətin işi deyil.
45 MİN ƏLAVƏ POLİS QÜVVƏSİ
Ölkə üzrə 45 min əlavə polis qüvvəsi yerləşdirilib. Daxili işlər naziri Geral Darmanin bu polis məmurlarının bazar ertəsi gecə növbəsində olduğunu açıqlayıb.
Şənbə gecəsi 700 nəfər saxlanıldığı halda, bazar günü bu rəqəm 150-yə düşüb. Cümə axşamı günü 1900 avtomobil yandırıldığı halda, bazar günü 297 avtomobil yandırılıb.
Yandırılan avtobusların sayı cümə axşamı günü 500-dən çox idisə, bazar günü 34-ə yüksəldi.
Həftə sonu BBC-yə danışan Nahelin qohumları zorakılığın dayandırılmasını tələb ediblər.
BU VİDEO SİZİN MARAQLI OLA BİLƏR
Tərcümə“24 SAAT”