Müdafiə Nazirliyində Türkiyə və Azərbaycan arasında hərbi əməkdaşlıq məsələləri müzakirə olunub
Aprelin 2-də Azərbaycanın müdafiə naziri Zakir Həsənov və Türkiyənin müdafiə sənayesi komitəsinin sədri Haluk Görgün hərbi-sənaye kompleksi sahəsində qarşılıqlı əməkdaşlığın genişləndirilməsi məsələlərini müzakirə ediblər.
Azərbaycan Müdafiə Nazirliyinin məlumatına görə, Həsənov Azərbaycan ilə Türkiyə arasında həyata keçirilən birgə istehsalat layihələrinin iki qardaş ölkənin ordularının müdafiə qüdrətini daha da artıracağına əminliyini ifadə edib.
Öz növbəsində, Haluk Görgün dövlət başçılarının səmimi münasibətlərinin digər sahələrə olduğu kimi, hərbi əməkdaşlıq sahəsinə də müsbət təsir etdiyini vurğulayıb.
Görüşdə Türkiyənin aparıcı hərbi-sənaye şirkətlərinin rəhbərləri də iştirak edib, onlarla hərbi və hərbi-texniki əməkdaşlığın inkişaf perspektivləri müzakirə olunub.
