Müharibədə bir ilk… Putin risk etdi! Yeni silah Ukraynada gizli saxlanılır
2023-04-25 14:31:05
Dünyanın gözü və qulağı aylardır Ukraynadan gələn xəbərlərdədir…
Ötən ilin fevralında Rusiya prezidenti Putinin verdiyi sərəncamla başlayan qanlı müharibə hələ də ölümlə davam edir.
Baxmut Rusiyanın Soledarı vurması ilə yeni mərhələyə qədəm qoyan müharibənin son ünvanıdır.
Rusiya Ukraynanın şərqdəki “son qalası” olan Baxmutu ələ keçirmək üçün var gücü ilə hücuma keçərkən Rusiyadan ani bir hərəkət gəldi.
Əl-Cəzirədə yer alan xəbərə görə, Rusiyanın yeni T-14 Armata döyüş tankı Ukraynada istifadə olunmağa başlayıb.
Rusiya Ukraynanın mövqelərini atəşə tutmaq üçün yeni T-14 Armata döyüş tanklarından istifadə etməyə başlayıb.
Eyni xəbərdə tankların hələ də birbaşa hücum əməliyyatlarında iştirak etmədiyi bildirilib.
class=”medianet-inline-adv”>
T-14 ilk dəfə 2015-ci ildə təqdim edilib. Rusiya mətbuatının yazdığına görə, Kreml 2020-ci ilə qədər 2300 tank istehsal etməyi əmr edib, lakin sonradan bu, 2025-ci ilə qədər uzadılıb.
Agentlik tankların maksimal sürətinin saatda 80 kilometr olduğunu bildirib.
KƏŞFİYAT HESABATI: RİSKLİ
Yanvarda Britaniya hərbi kəşfiyyatı bildirmişdi ki, Ukraynadakı Rusiya qüvvələri “zəif vəziyyətdə” olduqlarına görə tankların ilk tranşını qəbul etmək istəmirlər.
Bundan əlavə, T-14-ün müharibədə iştirakının Rusiya üçün böyük ehtimalla “yüksək riskli bir qərar” olacağı və bunun ilk növbədə təbliğat məqsədi ilə alındığı vurğulanıb.
UKRAYNA DNEPRO ÇAYINI KEÇİR
Hərbi analitiklərin fikrincə, Ukrayna ordusu işğal başlayandan bəri ilk dəfə Dnepr çayını keçərkən, əsgərlər Rusiyanın işğal etdiyi ərazilərin dərinliklərində əks-hücumlara başlamaq üçün mövqe tutublar.
Ukraynanın çayın şərq sahilinə doğru irəliləməsi ilə bağlı iddialar Rusiyanın Xerson vilayətində qoşunların qismən çıxarılması xəbərindən bir neçə gün sonra ortaya çıxdı.
ABŞ-da yerləşən Müharibənin Tədqiqi İnstitutunun analitikləri bildiriblər ki, rusiyalı hərbi bloqçuların şəkilləri çayın cənubunda “Ukrayna mövqelərinin ilk etibarlı geolokasiya şəklini” təqdim edir.
“Ukraynanın bu mövqelərinin əhatə dairəsi və məqsədi, Ukraynanın bu sahədə daimi mövqelərini saxlamaq qabiliyyəti və istəyi müəmmalı olaraq qalır”, – bəyanatda deyilir.
Tərcümə“24 SAAT”