class=”mediyanet-inline-adv”>

Niger Müdafiə Nazirliyi, Mali və Burkina Faso sərhədlərinə yaxın Boni və Torodi bölgələrində Niger ordusuna bağlı bir hərbi qrupun pusquya salındığını açıqlayıb.

Saytların yığılması

Hücum edənlərin ən az 17 Niger əsgərini öldürdüyünü, 20 əsgərin yaralandığını bildirən nazirlik, Niger ordusunun müdafiəyə keçdiyini və 100-dən çox terrorçunu zərərsizləşdirdiyini açıqlayıb.

Nazirliyin açıqlamasında həmçinin, “Münaqişə baş verən yerdə əsgərlərin sürətli reaksiyası və havadan müdaxilə ilə düşmənlə mübarizə aparılıb” deyilir. Hücumların terror təşkilatları ilə əlaqəli olduğu güman edilir.

Burkina Faso, Mali və Nigerlə sərhədlərdə Əl Qaidə və DEAŞ terror təşkilatı ilə əlaqəli hücumlar həyata keçirilir. Nigeriya sərhədləri də Nigeriyada fəaliyyət göstərən Boko Haram terror təşkilatı tərəfindən tez-tez hədəfə alınır.