Özbəkistanda güclü partlayış! Alovlar gecəni işıqlandırdı, ölənlər və yaralananlar var…
class=”mediyanet-inline-adv”>
Ötən gecə Özbəkistanın paytaxtı Daşkənddə hava limanı yaxınlığındakı anbarda güclü partlayış baş verib.
Özbəkistan Fövqəladə Hallar Nazirliyindən verilən açıqlamada yanğınla əlaqədar hadisə yerinə 16 yanğınsöndürmə briqadasının göndərildiyi, yerli vaxtla saat 05.02-də yanğının nəzarətə alındığı, qrupların işinin davam etdiyi bildirilib.
1 ÖLÜ, 163 YARALI
Özbəkistan Səhiyyə Nazirliyi partlayış nəticəsində 17 yaşlı uşağın öldüyünü, 163 nəfərin yaralandığını açıqlayıb. Açıqlamada yaralılardan 24-nün xəstəxanaya yerləşdirildiyi, digərlərinə isə hadisə yerində tibbi yardım göstərildiyi bildirilib.
Nazirliyin Telegram kanalında verdiyi ilk açıqlamaya görə, xəsarət alanlar arasında ciddi vəziyyət yoxdur.class=”medyanet-inline-adv”>
Alovlar göyə qalxdı
Partlayış səsi Daşkəndin bir çox yerindən eşidildiyi halda, sosial şəbəkələrdə yayılan görüntülərdə alov buludunun və tüstünün gecə səmasına qalxdığı görünür.
Dərhal hadisə yerinə çoxlu sayda yanğınsöndürən və tibb qrupu göndərilib. Hadisə şahidləri bildiriblər ki, yanğın zamanı xəsarət alan vətəndaşlara ilkin tibbi yardım ətrafdakı mənzillərdə göstərilib.
İDDİASI ‘HAVALİMANDA BÖYÜK ZƏRƏR VAR’
Özbəkistanın “Daryo” xəbər saytının məlumatına görə, Daşkənd Beynəlxalq Hava Limanı yaxınlığında baş verən partlayış nəticəsində ətrafdakı binalar dağılıb, hava limanında böyük dağıntılar baş verib.
Bununla belə, uçuş izləmə saytı FlightRadar24-ün məlumatları göstərib ki, hava limanında uçuşlarda heç bir fasilə olmayıb və təyyarələr normal şəkildə havaya qalxıb eniblər.
Beynəlxalq Daşkənd Hava Limanının mətbuat xidmətindən verilən açıqlamada partlayışın əməliyyatlara təsir etmədiyi bildirilib.
Partlayışın səbəbi ilə bağlı araşdırma başlanarkən, yerli mənbələr partlayışın anbarda olan elektrik avtomobil akkumulyatorlarından törədilə biləcəyini bildirib.
Orta Asiyada keçmiş sovet respublikaları arasında ən çox əhalisi olan Özbəkistanda təhlükəsizlik standartlarına qeyri-adekvat riayət edilməməsi nəticəsində baş verən yanğınlar tez-tez baş verir. Lakin bu miqyasda qəzalar nadir hallarda baş verir.
2023-09-28 09:04:54
Tərcümə“24 SAAT”