Fransa 1-ci Liqa komandalarından olan Paris Saint-Germain (PSJ) klubunda çıxış edən italiyalı qapıçı Canluici Donnarumma Parisdəki evində qarət edilib. L’Equipe qəzetində yer alan xəbərə görə, evə girən oğrular Donnarumma və həyat yoldaşı Alessia Elefanteni bağladıqdan sonra 500 min avro dəyərində əşyaları götürərək oradan çıxıblar. Hadisədən şoka düşən və dərhal evdən çıxaraq gecə saat 03.20 radələrində otelə yerləşən Donnarumma və həyat yoldaşı daha sonra xəstəxanaya aparılıb. Gənc cütlük xəstəxanada polisə ifadə verərkən, soyğunçuların tutulması üçün gərgin iş aparıldığı bildirilib.

Di MARİA DA O, oğurlanmışdı

Saytların yığılması

Canluici Donnarumma Fransada quldurluq və ya oğurluq qurbanı olan ilk futbolçu deyil. 2021-ci ildə PSJ-nin argentinalı ulduzu Anxel Di Marianın evi oğrular tərəfindən qarət edilmiş, Ander Herrera isə qırmızı işıqda gözləyərkən silahlı soyğunçuların hədəfinə çevrilmişdi.