Putinlə Sərkisyan razılaşdı: Qarabağ ərazi bütövlüyü çərçivəsində…
Rusiyanın paytaxtı Moskvada Ermənistan prezidenti Serj Sərkisyanla rusiyalı həmkarı Vladimir Putin arasında keçirilən görüşün nəticəsi ilə bağlı bəyanat qəbul edilib.
Putin Dağlıq Qarabağda tərəflərin qəbul edəcəyi hər hansı həll yoluna dəstək verməyə davam edəcəklərini bildirib.
“Rusiya Azərbaycan ilə Ermənistan arasındakı Dağlıq Qarabağ münaqişəsi ilə bağlı tərəflərin qəbul edəcəyi həll yoluna istər Minsk Qrupu vasitəsilə, istərsə də İrəvan və Bakı arasında birbaşa danışıqlar çərçivəsində hər cür dəstək verməyə davam edəcək”.
Kremldən verilən məlumata görə, Putinlə Sərkisyan münaqişənin həlli üçün güc tətbiq etməmək, güc işlətməyə cəhd kimi addımlardan çəkinmək üçün, həmçinin konfliktin ölkələrin ərazi bütövlüyü, bərabərlik və xalqların hüquqlarının tanınması prinsipləri əsasında sülh yolu ilə həll olunmasına sadiqliklərini təsdiq edib.