Loading...
Loading...
Xəbərlər

Qaribaşvili Filip Rikerlə görüşüb

ABŞ diplomatının Gürcüstandan sonra Azərbaycana səfər edəcəyi gözlənilir

Gürcüstanın Baş naziri İrakli Qaribaşvili sentyabrın 12-də ABŞ-ın Qafqaz üzrə Baş məsləhətçisi Filip Rikerlə görüşüb. Bu haqda Qaribaşvili özü Twitter-də yazıb.

ABŞ-ın elçisi Filip Rikerlə görüşdən məmnunam. Regional dinamikanı, Gürcüstanın Aİ-yə inteqrasiyasını, eləcə də Gürcüstanla ABŞ-ın strateji tərəfsaşlığını, ABŞ-ın regionda və kənarda sülhün, demokratiya və inkişafın irəli aparılmasındakı vacib rolunu müzakirə etdik”,Baş nazir yazıb.

ATƏT-in Minsk qrupuna yeni təyin olunmuş həmsədri Filip Riker sentyabrın 9-da Ermənistanda Xarici işlər naziri Ararat Mirzoyanın görüşündə “Dağlıq Qarabağ problemi ilə bağlı geniş spektrli məsələlər” müzakirə edilib.

ABŞ diplomatının Gürcüstandan sonra Azərbaycana səfər edəcəyi gözlənilir.

ABŞ Dövlət katibi Entoni Blinken iki həftə öncə Filip Rikeri ATƏT-in Minsk qrupuna həmsədr və Qafqazda danışıqlar üzrə baş məsləhətçi təyin edib.

2020-ci ildə 44 günlük müharibəylə Qarabağın bir hissəsinə və ətraf 7 rayona nəzarəti bərpa edən Azərbaycan Dağlıq Qarabağ münaqişəsinin tarixdə qaldığını bildirir. Rəsmi Bakı Rikerin Minsk qrupu həmsədri kimi təyinatına sərt reaksiya verib.

ATƏT-in Minsk qrupu 30 ilə yaxın sülh danışıqlarına vasitəçilik edib. Ancaq müharibə bitəndən sonra Prezident İlham Əliyev bəyanatlarında Dağlıq Qarabağ münaqişəsinin artıq mövcud olmadığını, ATƏT-in Minsk qrupu həmsədrlərinin işinin bitdiyini bildirib.

ABŞ-ın yüksək rütbəli rəsmiləri isə Minsk qrupunun həmsədrliyinə dəstək bildiriblər.

AzadliqRadiosu

Gözdən qaçırmayın:  Səfərbərliklə orduya gedənlər aksiya keçirib

This site uses Akismet to reduce spam. Learn how your comment data is processed.

Back to top button