Rəisinin ölümü: İrana sanksiyalarla helikopter qəzası arasında nə əlaqə var?
![](https://www.az24saat.org/wp-content/uploads/2024/05/Rəisinin-olumu-Irana-sanksiyalarla-helikopter-qəzasi-arasinda-nə-əlaqə-var-780x470.jpg)
İran mediasının xəbərinə görə, helikopterin qalıqları hadisədən təxminən 12 saat sonra tapılıb və İbrahim Rəisi ilə yanaşı, helikopterdə olan İranın xarici işlər naziri və digər yeddi nəfər həlak olub.
Helikopter qəzası barədə ətraflı buradan oxuyun
Rəisinin helikopteri qəzaya uğradıqdan sonra İran rəsmiləri hadisənin “pis hava şəraiti” ucbatından baş verdiyini açıqlayıb.
Lakin dünya ictimayyəti başqa versiyaları da müzakirə edir.
BBC-nin Dünya xidmətinin beynəlxalq redaktoru Jeremy Bowen-nin qəza ilə bağlı şərhini təqdim edirik.
İran mediası qəzaya heç də “kirli oyunun” yox, sadəcə dəhşətli hava şəraitinin səbəb olduğunu bildirir.
Lakin bununla yanaşı, Prezident Rəisinin düşmənləri çox idi və onun ölümünə xeyli insan sevinəcək.
80-ci illərdə o, əsasən solçu olan minlərlə dissidentin ölüm hökmünü imzalayıb.
Rəisi 2021-ci ildən Prezident idi və bu müddətdə İran daxilində insanlara qarşı kütləvi repressiyalarda iştirak edib. Üstəlik, ona ən yüksək vəzifə veriləcəyi vədi verilmişdi.
Bu isə rəqibi sıradan çıxarmaq üçün bir səbəb ola bilər, amma bütün bunlara dair əlimizdə heç bir dəlil yoxdur.
İranda həmişə İsraili günahlandıran bir refleks var. İsrail rəsmiləri israilli jurnalistlərə deyiblər ki, onların bu işdə əli yoxdur. İsrailin müharibəyə səbəb ola biləcək bir təxribatdan nə faydası ola bilər ki?
Pis hava şəraitinə gəlincə, fakt budur ki, illərlə davam edən sanksiyalara görə İran təyyarələri ehtiyat hissələri və ya yeni təyyarə çərçivələri ala bilmir və buna görə də kifayət qədər təhlükəlidir.
Hələ 1990-cı ildə mən İranda Rəisinin öldürüldüyü yerdən çox da uzaq olmayan bir ərazidə böyük bir zəlzələ haqqında reportaj hazırlayırdım.
Mən zəif təmir səbəbindən mühərriklərindən biri sıradan çıxdığı üçün məcburi eniş etməli olan, şah dövründən qalan Amerika helikopterində idim.