Rusiya elan etdi: İki hücum cəhdinin qarşısı alındı
2023-08-09 13:43:22
class=”mediyanet-inline-adv”>
Rusiya ilə Ukrayna arasında müharibə davam edərkən, iki pilotsuz uçuş aparatı (PUA) ilə Rusiyanın paytaxtı Moskvaya hücum cəhdi edilib. Moskva meri Sergey Sobyanin sosial media hesabından verdiyi açıqlamada “İki pilotsuz uçuş aparatının (PUA) şəhərə doğru uçduğu qeyd edilib. “Onların hər ikisi hava hücumundan müdafiə sistemləri tərəfindən məhv edilib.
Sobyanin bir pilotsuz təyyarənin şəhərin cənubundakı Domodedovo bölgəsində, ikinci pilotsuz təyyarənin isə paytaxtın qərbindəki Minsk şossesi ərazisində vurulduğunu bildirib. Məhv edilmiş pilotsuz təyyarələrin yaratdığı dağıntılar səbəbindən xəsarət alan olmadığını deyən Sobyanin hadisə yerinə ilk yardım qruplarının göndərildiyini bildirib.
Rusiya Müdafiə Nazirliyi Ukraynanın pilotsuz uçuş aparatları ilə hücuma cəhd etdiyini bildirib. Hava hücumundan müdafiə sistemlərinin iki PUA-nı məhv etdiyini bildirən nazirlik, can itkisi və dağıntının olmadığını açıqlayıb.
Bildirilir ki, sözügedən hücum cəhdi bu həftə Moskvaya üçüncü hücum cəhdidir. Keçən avqustun 1-də Moskvada bir binaya 2 gündə iki dəfə pilotsuz təyyarə ilə hücum edilib və Rusiya hücumları Ukraynanın həyata keçirdiyini iddia edib. Məsələ ilə bağlı Ukrayna tərəfindən heç bir açıqlama verilməyib.
Tərcümə“24 SAAT”